Nikkilodeon! :)

Kwentong Apelyido

Kahapon nung nagpa-medical checkup kami nila Gabo at Paolo sa UP, limang version ng apelyido ko ang narinig ko. Tapos halos lahat nakakatawa pakinggan. :P

Sanay na naman akong naririnig na hindi masyadong tama yung pagkakapronounce sa apelyido ko dahil madalas talagang mangyari yun. :)) Natuwa lang ako kahapon kasi may isang tumama ng pagbigkas! Naks!

Madalas kong inaabangan yung mga oras na may taong hindi ko kilala na babanggit sa buong pangalan ko. Tulad nung mga panahon na nageentrance exam. Sabi nung proctor sa UP, “Sartow? Sartho?” Sa Ateneo napahinto yung proctor nung ako na yung tatawagin. Sabi, “How do you pronouce your surname? Sarthou?” Ang pagbanggit niya ay “thou” na Old English version, sosyal. Hahaha. Pero favorite ko yung sa UST. Sabi nung proctor, “Paano to? Sartaw?” at dahil marami kaming taga Mater sa room na yon, nagtawanan na at yung bandang nasa unahan nalang yung nagsabi ng tamang pronunciation. Hehe

Ang apelyido ko ay Sarthou at yung tamang pagbanggit sana ay “sartu” o kaya naman kung medyo sinisipag, “sarthu” Pero okay lang naman kung magkamali ng banggit. Tatama din yan sa future. :D